الأحد , يوليو 22 2018

برنامج سحري لنضارة بشرتك و له فوائد عديده

البرنامج ده بيخلى اللى عندها 40 سنه تبان 30 سنه
واللى عندها 30 سنه تبان 20 سنه
واللى عندها 20 سنه تبان 10 سنين
يعنى بيخفى كل الخطوط الدقيقه اللى تبان حولين العيون لما بنضحك
وحولين الفم لما بنضحك من الجوانب
وفى الجبين لما نكشر
بس تمشى على الخطوات اللى هاكتبها وفى خلال اسبووع واحد فقط هاتبان ملامح وشك جديده

اولا :

هاتروحى الصيدليه وتشترى كريم دوف الابيض العلبه الكبيره
وتشترى معاهم علبه كبسولات فيتامين E
وتفضى تلات كبسولات فى العلبه وتقلبيهم على بعض كويس
وتدهنى بيهم وشك كل يوم مرتين مره الصبح ومره بليل

ثانيا:

عارفين النيدو البودره
ايوه ده اللى مكتوب عليه المدعم وبالبريبايو
النيدو وبس اى لبن بودره تانى لا
ايوه اللى بيتباع فى كيس اصفر ب2 جنيه عند البقال
هاتيه فضى الكيس فى طبق واعجنيها بميه ورد وبس
عارفين اللى هاتفتكس وتقول احط عليه اى حاجه تانيه عشان اكمل الفايده لا انتى كده هاتبوظى النتيجه
افردى العجينه على وشك
وسيبيها لحد ما تنشف وتشقق لوحدها وبعد كده ابدئى افركيها
وبعد الفرك اغسليها بميه دافيه وبعدها ميه ساقعه
ونشفى وشك وحطى اى كريم مرطب يقابلك وبس
اجرى جرى على المرايه بقى
ولو عرفتى وشك يبقى ليكى الكلام
بجد حاجه تحفه فوق الوصف والخيال
الوش هايبقى صافي
وناعم جدا

ثالثا:

هاتعملى لعيونك الوصفه
جبت الخلاط وقطعت فيه خياره كبيره حلقات حلقات
وفتحت عليها تلات كبسولات فيتامين E
وحطيت عليهم ربع كبايه ميه ورد
وكمان ربع كبايه شاى مغلى وعالخلاط
جبت البلاستكه بتاعت مكعبات التلج من الفريزر وصبيت الخليط فيها
ودخلتها الفريزر
وبعدما بقت شبه متجمده اخدت قطنه وبليتها بالخليط وعلى عيونى لمده ربع ساعه
وشيلتها لاقيت المفاجاه
عيونى بقت صافيه البياض بياض ابيض والننى اسود اسود
واللمعان اه رهيب ايه محصلش
ونعومه الجلد الى حولين العيون حااااجه متوصفتش
بجد حاجه روعه وتجربه فى منتهى الجمال

رابعا :

هاتبتدى البرنامج ويكون بحمام بخار عباره عن ميه حطى فيها حزمه بقدونس ولمونه مقطعه اربع
وكبشه شاى اخضر ومرمريه من عند العطار وتسلطى وشك على البخار لمده 10 دقائق
وبعدها تعملى صنفره لوشك ممكن صنفره جاهزه او ملعقتين سكر ونص لمونه عليها او سكر وعسل

خامسا : ودى اهم النصائح للبرنامج:

انك تواظبى على شرب الماء بانتظام خاصه فى الصباح على الريق كوبايتين ميه كبار كده وحلوين ومكلبظين
وكمان بعد كل وجبه كوبايه حلوه كبيره
وبس هاتيجى على نهايه الاسبوع هاتلاقى نفسك وشك نور وربرب واتشد وابيض والخطوط اختفت تماما وتلاقى قمر 14
كل ما تبصى فى المرايه وكل شويه هاتحبى تمررى ايدك على بشرتك كل ما تلاحظى اختلاف فى الملمس والنعومه والشد.

عن esraa

شاهد أيضاً

خشونة البشره

تخلصي من الجلد الميت وخشونة الجلد بالشاي والعسل

هل لديكي جلدا ميتا في بشرتك او تعانين من الخشونه , جميلتي تخلصك من هذه ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *